Dizionari de Lenghe Furlane

stomeôs  sto|me|ôs  [CO]

1. adi. che al fâs o che al pues fâ vignî mâl di stomi ancje fin a fâ vignî ingomit:  "Mi pâr di sintî puce di ûf frait! Tu mi varâs prontât di sigûr alc di stomeôs!" (Mauro Fontanini, Al è simpri timp di maridâsi)
2. adi. (iperb., fig.) che al cause repulsion une vore fuarte:  la grande plaie dal stât talian e je la coruzion stomeose e la onipotence de sô burocrazie (Josef Marchet, Cucagne in viste)
   
   1. adi., s.m. che, cui che al cause repulsion pe sô disonestât, imoralitât e v.i., ancje tant che titul di ofese:  "Vuelial che o i feveli jo al fornâr?" "Vô?" "Sì: siôr Nadâl al è inemorât di me... e par me al larês tal fûc." "Zito!... brute stomeosate!..." (Francesco Coletti, Romeo Battistig, Arturo Bosetti, La massarie dal plevan)
      Cfr. cragnôs , vergognôs