Dizionari de Lenghe Furlane

stâ in bande    [CO]

1. loc.v. jessi in posizion laterâl:  il temenos sacri al à un sôl percors principâl, la Vie Sacre, la Vie dal Logos; dut ce che i sta in bande, i tesaurs, lis figuris dedicadis, lis stoà e lis colonis a rapresentin il sfuarç di seguîlu, di interpretâlu, di compagnâlu di dute la Elade (Adrian Cescje, Viaç aes origjins dal Logos)
2. loc.v. jessi o restâ no tant dongje:  «Chel li, Silvio, nol à, e nol à mai vût un crût, lui; par chel al sta in bande [dal barachin dal colaçâr]» (Meni Ucel, I colaçs); Oglala al berlave come un mat: "Stait in bande! A àn rapinât la bancje di Selvucis!" (Checo Tam, Sense)
3. loc.v. jessi intune posizion o cundizion secondarie o estranie, no vê part in alc in maniere ative:  cumò Degasperi al à butât fûr i liberâi, anzit a son lâts fûr di bessôi. A son lâts fûr parcè che a san di podê intrigâlu ancjemò plui, stant in bande, che no di dentri (Josef Marchet, La scrassigne); si contentìn di stâ in bande, passîfs (Antoni Beline, Autonomiscj si nas)

Components:

• bande s.f., prep.
• stâ v.intr.