sperâ1
spe|râ
[FO]
-
v.tr., v.intr.
spietâ cun fiducie il fâsi di un event che al podarès puartâ beneficis o sodisfazions o costituî il finâl positîf di une situazion incierte o grivie:
il zovin si jera ustinât di tignî sù la vela, sperant di finî prima il so viaç (Federigo Comelli, Il me paîs);
al è dome di sperâ che il miedi al rivi daurman (Gianni Gregoricchio, Trê feminis);
cuant che zaromai o speravi in cualchi amnistie o perdon, il vuardian mi puarte un biliet indulà che o vevi di presentâmi li par li a Udin, là de polizie (Riedo Pup, Jo, evasôr fiscâl);
il mus al spere simpri te vene che no rive mai (Maria Forte, "Nossent");
«Sarano altris ocasions par colaborâ cun lui?» «O speri di sì! […]» (Erika Adami, "Amôrs" in musiche)
Sin. fâ cont
, sperançâsi
, spietâsi
Proverbis:
- cuant che di vincj no 'nd è, cuant che di trente no 'nd à, di cuarante no si po sperâ
- cuant che il gjal al cjante la matine, la ploie e je vicine; cuant che al cjante la sere, bontimp si spere
- cui che al à reson al à pôre, cui che al à tuart al spere
- cui che al vîf sperant al mûr cagant
- cui che al vîf sperant al mûr cjiant
- cui che al vîf sperant al murirà di fam
- dai fruts no si po sperâ nuie
- di un avâr tu puedis sperâ alc, di un lôf no stâ sperâ nuie
- dulà che a 'nd è, si spere
- dulà che no si spere no si tem
- fumate la sere, bontimp si spere; fumate la doman, la sere al è pantan
- l'arc di Sant Marc la sere, bon timp si spere, l'arc di Sant Marc la doman, no ven mai sere che nol sedi pantan
- nûl lizêr la sere, bon timp si spere
- nûl ros la matine, la ploie e je vicine; nûl ros la sere, bon timp si spere
- ros la sere, bon timp si spere; ros la matine, la ploie e je vicine
- si spere plui dai amîs che no dai parincj