sot tiere
[AF]
-
loc.av., loc.adi.inv.
sot de superficie de tiere:
i alpins si son metûts a lavorâ sot tiere come farcs: trinceis, cjaminaments, ricoveros, galariis (Pieri Menis, Zilugne);
tra Paluce e Mauthen al è za stât autorizât un altri eletrodot, cun linie sot tiere (David Zanirato, Si impiin i fûcs par slontanâ il spauraç dal eletrodot)
-
loc.av.
(par anton., ancje fig.)
te tombe, o ancje di muart, dopo muart e v.i.:
al si imagjine che al podès jessi dut un striament, o pûr che sedin issûts fûr i muarts di sot tiere par fâ vendete di chei che rondin a chês oris a profanâ lis sepulturis (Giovanni Gortani, La paùre - Une gnot intun segrât);
se o savessis fantacinis / ce che a son suspîrs di amôr: / e si mûr, si va sot tiere / e ancjemò si sint dolôr (Popolâr, Se o savessis fantacinis)
-
loc.s.m.
strât di teren sot de superficie:
crôs di aur, umbons di scûts, spadis, ornaments feminîi e vie indenant, che cumò a son ducj in mostre tal Museu di Cividât. Di gnûf, la dimostrazion di cetant che al sarès di cirî ancjemò tal sot tiere dal nestri Friûl (Mauro Pascolini, I Langobarts, patrimoni de umanitât e dal Friûl)
-
loc.av.
(fig.)
intune maniere o intune cundizion platade:
il Principi nus puartarès a prossumâ che a sedin stâts câs particolârs là che la maiorance sociologjiche e je saltade fûr di sot tiere (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
-
loc.av.
(fig.)
a di un nivel une vore bas di intensitât, di fuarce, di cuantitât e v.i.:
il so coragjo al jere aromai sot tiare. E no voleve ni mangjâ e ni bevi (Maria Forte, Cjase di Dalban)
Components:
-
sot
prep., av., adi.inv., s.m.sing.
-
tiere
s.f.