Dizionari de Lenghe Furlane

sot procès    [CO]

1. loc.av., loc.adi.inv. in cundizion di acusât intun procès judiziari:  i dodis sotans che a vevin cjapâts e mandâts sot procès par cheste istesse reson, a son stâts ricognossûts inocents e molâts (Alviero Negro, Int di masnade)
2. loc.av., loc.adi.inv. (fig.) in cundizion di ogjet di une valutazion, di un judizi critic:  la Democrazie Cristiane e jere la prime imputade, e il so nazionalisim parie cu la sô retoriche nazionalistiche dai confins orientâi a jerin sot procès. Il libri di Salvi al costituive la plui motivade e organiche denunzie dal ‘gjenocidi blanc' des minorancis di Italie (Adrian Cescje, Memoriis di politiche linguistiche)

Components:

• procès s.m.
• sot prep., av., adi.inv., s.m.sing.