Dizionari de Lenghe Furlane

simpatic  /-à-/  sim|pa|tic  [AF]

1. adi. che, cui che al fâs nassi simpatie, ligrie, plasê di stâ insiemi, di vê a ce fâ e v.i.:  al è di chei simpatics, Pieri. Di chei che te ostarie ti pain simpri il tai, che ti metin la man su la spale e si mostrin contents di vioditi (Igor Londero, Delit in vie del Lavoro); un caratar viert e sclet [chel de mestre] che e deventave subit simpatiche a ducj (Pieri Menis, Sul agâr); al veve un fâ simpatic e puartât al scherç e ancje un biel ridi (Roberto Ongaro, Il muc)
   Sin. afabil , gjubiâl , ninin , plasevul
2. adi. che al plâs e che al divertìs:  materiâi biei, simpatics e divertents, cuntune grafiche curade e une distribuzion ben pensade (Federica Angeli, Fantats Furlans: nassûts par crevâ e vonde)
   Sin. gjoldibil , ligriôs , plasevul
3. adi. [TS] anat., neurol. dal sisteme adrenergjic periferic:  un sisteme gnervôs autonom (cuntune componente simpatiche e une parasimpatiche) (Franc Fari, La evoluzion dal çurviel e de cussience tai vertebrâts)
4. adi. [TS] filos. in corints filosofichis e magjichis dal Rinassiment, che al rivuarde carateristichis similârs che a tegnin dongje e a metin in corispondence sostancis e cuarps
5. adi. [TS] chim. che al nâs par inflùs indiret tra dôs sostancis o fenomens

Polirematichis e espressions idiomatichis

• jessi simpatic loc.v.
• stâ simpatic loc.v.