significâ
si|gni|fi|câ
[AF]
-
v.tr.
vê un sens, rapresentâ un concet o un messaç:
ducj chescj animâi, di razis diferentis, a significhin la mandrie de umanitât su la Tiere: razis diferentis, culturis diviersis, ma dutis clamadis ae salvece (Giovanni Battauz, Flavio Cossar, Renato Iacumin, I mosaics de basiliche di Aquilee);
l'invît a pensâ aes robis di là sù nol significhe che ca jù nol vâl nuie (Francesc Placerean, In non di Diu scomençait!);
Nedo al slargjà i braçs come a significâ dispossence (Gianni Gregoricchio, Trê feminis)
Sin. volê dî
, volê significâ
-
jessi il segn o la prove di alc:
se chest zovin al à recuperât alc, al significhe che nol jere in stât vegjetatîf (Christian Romanin, Amato De Monte: Il Friûl, patrie des bataiis di civiltât)
-
vê un ciert valôr, une cierte impuartance:
la persone di Martin e cressè e e deventà plui impuartante dentri di me. Cumò o capivi ce che e significave par me (Carlo Sgorlon, Il dolfin)
-
v.tr.
[BF]
di cdn., fâ capî in paniere clare e precise ce che al vûl dî:
al disè «O ai vude sigurazion da siore Tilde che nus sfrancje pal moment e nus da un aval». Nol significà su ce (Eugjeni Marcuç, Liende a Sant Zuan)
Sin. specificâ
Polirematichis e espressions idiomatichis