sigjilâ
si|gji|lâ
[CO]
-
v.tr.
meti un segn di materiâl plastic stampât e indurît che al certifiche la identitât di cui che lu à metût e la autenticitât o integritât di ce che al è segnât:
al rispuint cuntune altre letare, le sigjile (Pierluigi Visintin, Friûl e furlans te Histoire de ma vie di Giacomo Casanova);
il sigjîl che lui al à sigjilada [la letare] al è compagn de marcja del anel che jo achì i ai intal dêt (Popolâr - Giovanni Tavoschi, La storia dal Re di Spagna - Racconti popolari friulani IV)
-
v.tr.
sierâ, delimitâ o fâ inacessibil cuntun segn uficiâl di une autoritât
-
v.tr.
sierâ cun fuarce, cun impuartance, cun pês:
une piere grandone che e sigjilave la tombe par simpri (Lucian Verone, Nadâl in Cine)
Cfr. sierâ
, taponâ
-
v.tr.
meti un materiâl che al stagne in maniere ermetiche busis, fressuris e v.i.
-
v.tr.
fâ di sieradure, di conclusion, di completament:
la sezion musicâl che e sigjilarà il festival furlan inte serade di vinars ai 11 di Dicembar (Erika Adami, Suns Europe al impie il Friûl)