Dizionari de Lenghe Furlane

sierâ il discors    [CO]

1. loc.v. finî di frontâ un discors:  cussì, sierant il discors, o dîs che o soi tant contente de mê situazion e o voi indenant un passut ae volte procurant di frontâ par ordin dutis lis robis (AAVV, Sul florî)
   
   1. rinunziâ a lâ indevant a discori:  e cumò alore une des dôs: o che la int di là jù e je dute «clan»; e alore al è miôr sierâ il discors e sierâ buteghe; o che e à constatât che là jù i partîts a son clans piês di chel di Graziano. Mah… afârs lôr (Riedo Pup, Innsbruck Bonn e Avellino)
2. loc.v. puartâ un argoment cussì fuart o dî alc che al fâs che al sedi dibant lâ indevant a fevelâ:  «La int… La int e podarès tacâ a capî», al tacà un dai siei. […] «La int a crôt a dut. Chês robis chi, pe int, no àn plui nissune impuartance». Al sierà il discors l'om (Raffaele Serafini, B123ST)
3. loc.v. (fig.) fâ che une situazion, une problematiche, une cuistion e sedi superade:  par esempli la partide: un si alene, al cor, al sude, al sangone par doi mês […]. E al jentre tal cjamp pensant: fancûl, che cumò ju gramolìn e siarìn il discors! (Stiefin Morat, Donald dal Tiliment)
   Sin. sierâ la cuistion

Components:

• discors s.m.
• sierâ v.tr., v.intr.