sierâ i voi
[AF]
-
loc.v.
tal sens leterâl, sierâ lis palpieris:
a planc e molà la man di lui, e sierà i voi e e fasè fente di durmî (Pieri Somede dai Marcs, Il segno)
-
loc.v.
(ancje fig.)
no volê viodi o fâ fente di no viodi:
il talian, e ancje il furlan intalianât, al è masse tacât ai siei idui, par fermâsi a cjalâ di ce pantan che a son fats: i coste mancul fature siarâ i voi e tornâ a butâsi in zenoglon (Josef Marchet, Il manarin tal cûr);
Ganis al cjalave, al riduçave e al taseve. In fonts i leve ben ancje a lui di vê un famei sul stamp di Pitin. E alore al sierave i voi ancje su cualchi contrat che Pitin al faseve lant a benedî (Antoni Beline, Pre Pitin)
-
loc.v.
(fig., eufem.)
murî:
"Oh! i nestris paîs… si sta ben gracie a Dio ancje culì, ce di miôr, no nus mancje nuie, sin cui nestris fruts e chei e son la nestre cjase, ma pûr no pues dismenteâ chei lûcs dulà che i nestris vecjos àn sierât i voi…" (Pieri Somede dai Marcs, Resurezion a Pontinie);
Armando, nassût e vivût par tancj agns a Biliris, al voleve siarâ i voi a Biliris (Meni Ucel, Mâl di paîs)
-
loc.v.
tirâ jù lis palpieris di un muart:
dôs oris dopo il vecjo Toni al jere cun Diu, e la muinie i sierà i voi cu lis sôs mans delicadis, intant che ducj intor a preavin (Pieri Menis, Il testament)
-
(fig.)
viodi a murî cdn. altri e duncje vivi plui timp di cdn. altri, pierdi cdn. che al mûr:
ce malinconie par jê cuant che sierâts i voi ai siei barbis e restade bessole e à dovût lassâ la colonie (Pieri Somede dai Marcs, A jerin lagrimis)
Components: