servidôr
ser|vi|dôr
[CO]
-
s.m.
cui che al è a servizi sot paron, soredut viodint di lavôrs di cjase o de cure de persone dal paron:
al era Cumestia il servidour vecju che al lu veva tirât sù siôr Luvigji par che a i servìs di buna spala a lui paron e cjaçadour (Novella Cantarutti, Il spiçot)
Var. servitôr
, sirvidôr
Cfr. camarîr
, famei
-
s.m.
(fig.)
cui che si dediche e che si sacrifiche cetant par une idee, par une cause, par une persone e v.i.:
Ohi me, ohi me, pietât / Magrine dal mio stât! / Pietât dal to madôr, / pietât Magrine! Pietât di un servidôr / plui di ogni altri fidêl, fidêl di amôr (Anonim, Lement di un vieli inemorât)
Proverbis:
- cuant che il paron al distude il lusôr, al fâs par dâje tal nâs al servidôr
- cui che al è servidôr nol è paron
- il pan dal servidôr al è pan sudorât
- il servidôr al à di fâ ce che il paron al comande
- miôr parons di une cjase che no servidôrs intun cjistiel