scritori
/-ò-/
scri|to|ri
[AF]
-
s.m.
mobil di ufici, formât di une taule par scrivi, ancje cun scansei o altris furniments:
siôr Berto al è sentât dongje il scritori e al messede cualchi cjarte (Pieri Somede dai Marcs, Vilie di Nadâl (teatri));
proponût che i veve la Siore il so consult, l'avocat al spesseave a rispuindii, a mostrâi cjartis che al veve sul scritori (Alan Brusini, Come tai romançs)
Sin. scrivanie
Cfr. taule
, taulin
-
s.m.
stanzie risiervade ae scriture o ae leture:
l'indoman, cuant che Meni al jentrà tal so scritori, dongje la cjamare di jet, par polsâ un pôc su la poltrone, al cricave dì e une lûs celestine e jentrave pes sfesis des scuretis (Pieri Somede dai Marcs, Il segno);
l'ambient al servive ancje di scritori e biblioteche, libris e libris si tignivin sù un cul altri sfracaiâts tes scansiis che a jemplavin une parêt interie (Carlo Tolazzi, La salamandrie tal fûc)
Cfr. studi
, mezât