sbusâ
sbu|sâ
[AF]
-
v.tr.
strapassâ lassant une buse:
"E po vioditu cheste (e i presente sot il nâs la forcje) se tu ti riscjis a vignîmi daprûf ti sbusi tant che une luianie […]" (Renzo Balzan, Il gjaul e la femine)
Sin. forâ
, foropâ
-
(fig.)
jentrâ dentri tant che une ponte:
doi voi indanâts che a sbusavin fin dentri da la anime, come une sgrife di rapine (Dino Virgili, La aghe da pît la cleve)
-
(ancje ass.)
vê o menâ un veicul cu lis ruedis intant che alc al fâs une buse tune gome:
"[…] cuant che i cor in biciclete i sint come un fiiiiiiiii…" "Tu varâs sbusât?!" (Fabiano Fantini, Claudio Moretti, Elvio Scruzzi, Garage 77)
Proverbis:
- la gote continue e sbuse la piere
- la lenghe des feminis e je come lis fuarpiis: o che a taie o che e sbuse