foropâ
fo|ro|pâ
[CO]
-
v.tr.
strapassâ fasint une buse o soredut plui busis:
[i fassiscj] a traevin sence padin di insomp dal ronc e cumò lis balis a sclesavin i lens, a foropavin il mûr (Dino Virgili, Devant di dut il cîl);
al coreve a foropâ cuntun len ducj i furmiârs che al cjatave par dopo talpassâ lis furmiis che a scjampavin spasimadis (Alviero Negro, Il Nin)
Sin. sbusâ
-
v.tr.
(fig.)
jentrâ indentri in sens psicologjic, sentimentâl, astrat e v.i.:
chei doi voi che ti foropin fintremai te medole dai vues (Josef Marchet, Lis predicjis dal muini);
nol rivave a cjapâ sium cul pinsîr sù in Barbian che lu foropave parentri come un vencul (Alan Brusini, Come tai romançs)