sûr1
sûr
[FO]
-
s.f.
frute o femine che e à in comun cuntune altre persone i gjenitôrs:
siore Bete e je vignude cu la fie a cjatâ so sûr (Anute Fabris, A passe la scalmane);
o sperìn di rivâ a Bologne dulà che mio fradi al è militâr e salacor là o cjatarìn ancje mês sûrs e miei cugnâts (Pieri Somede dai Marcs, Sant Simon: 28 di Otubar 1917);
al rivà il nuviç cul so trop di invidâts, cu lis sîs sûrs e no sai cetantis agnis e il copari dal anel (Pieri Menis, Chei di Muraie);
dutis cuatri si inamorarin di lui, e par zelosie a scomençarin a odeâsi tra sûrs (Catarine Percude, Lis aganis di Borgnan)
Var. sôr
Cfr. fradi
-
(zerg.)
tant che apelatîf, indreçât a cualsisei fantate o femine, cence rapuart di parintât, ma in amicizie o condivision di ideis, vision de vite, cundizion sociâl e v.i.:
"Right, sûr, tu mi plasis! Mene la mantie dal brustulio e anìn a comedâ lis cuestis di chei bastarts!" (Stiefin Morat, Donald dal Tiliment)
-
s.f.
titul des componentis di congregazions femininis religjosis o laichis:
a madins il puest di sûr Catinute al reste vueit (Dino Virgili, La Çucule);
si voltà daurman bande de muinie: "O ai pôre, sûr, che o varês il vuestri ce fâ usgnot… Fasêtji une punture; no zovarà, ma si à di tentâ" (Amedeo Giacomini, Tal ospedâl)
Cfr. muinie
-
s.f.
(fig.)
di alc di gjenar feminin, compagn di alc altri o che al à un leam fuart cun alc altri:
lis prapotencis, tiraniis, scandui, modis imodestis, il mercjât disanc uman, lis impusturis [...] cun dutis lis sûrs veris e lastris di ogni umane debolece (Toni Broili, I trucs furlans. Ombre di lunari par l'an 1851)
-
adi.
che e à la stesse divignince, che e risulte leade a strent:
difindi la lenghe furlane e lis lenghis sûrs feveladis dal Adriatic al S. Gotart a traviars Friûl (Achil Telin, La Patrie Ladine, I, 1)
Polirematichis e espressions idiomatichis
Proverbis:
- dutis lis bocjis a son sûrs
- tra fradis e sûrs plui mâl si dîs, plui ben si vûl