Dizionari de Lenghe Furlane

sù di zîrs    [CO, TS]

1. loc.av., loc.adi.inv. mec. di un mecanisim che al à un moviment rotatori, soredut di un motôr, che al è daûr a funzionâ cuntun numar di zîrs al minût une vore alt:  i frutats a montin in ducj sul casselot [dal camion] e vie cjantant pai paîs de strade grande, cul motôr sù di zîrs e il clacson fracât dal dut (Dino Virgili, La strade come un destin)
2. loc.av., loc.adi.inv. (fig.) in stât di ecitazion:  "Ma, Clare benedete, dulà sino? Cemût sêstu tornade dongje?… Cussì sù di zîrs tu mi semeis une greche che e recite la part…" (Pieri Piçul, Vieri e gnûf)

Components:

• sù av., inter., s.m.inv., adi.inv.
• zîr s.m.