ripeti
/-è-/
ri|pe|ti
[FO]
-
v.tr.
dî une altre volte ce che si à za dit:
o ai di preâlu di fevelâ lent e di ripeti ciertis peraulis. Cuant che un al tabaie in venit rût o ai ancje jo i stes problemis dai romans (Checo Tam, Neapolis);
la cualifiche di talians e vâl fin a Cividât. Sul Pulfar no son plui talians: a son «italianissimi». Lu disin e lu ripetin ogni altre dì i nestris sorestants (Riedo Pup, I furlans e i talians)
Sin. stradî
, tornâ a dî
-
v.tr.
dî ce che si à let, sintût o imparât:
«Ulive, Ulive, o soi tornât par stâ simpri cun te, par no lassâti plui di bessole» i disè tantis voltis. «Plui di bessole» e ripetè jê sotvôs (Maria Forte, La tiere di Lansing);
se gjoldevin a lei chês storielis; / sai che la amabil e prudent Zanele / ripeteve a memorie lis plui bielis (Pieri Çorut, Pronostic del 1824)
Sin. tornâ a dî
-
v.tr.
fâ une altre volte:
intes siencis fisichis e chimichis si pues ripeti l'esperiment tropis voltis che si vûl, almancul chei che o podìn riprodusi in laboratori (Lorenzo Marcolini, Recension di La scienza non ha bisogno di Dio);
no podìn continuâ a ripeti la falope e la violence de sacralizazion totâl e esclusive, là che a valin dome lis glesiis e i predis e lis funzions (Antoni Beline, Sant Jacum, là che al finìs il mont)
Sin. rifâ
, tornâ a fâ
, replicâ
-
v.tr.
[TS]
scol.
tornâ a fâ la stesse classe di scuele par vie che si è rivâts al nivel di istruzion che al covente par lâ tal an dopo
Sin. tornâ a fâ
, tornâ
-
v.tr.
cjapâ une seconde porzion di alc di mangjâ:
la moderne creance / proibìs di ripeti chel tâl plat (Pieri Çorut, La mode)
Sin. fâ il bis
Proverbis:
- ce che il piçul al ripet, i grancj lu àn biel det
- i fruts ce che a sintin a ripetin