rindicont  /-ònt/  rin|di|cont  [CO]

  1. s.m. justificazion detaiade des spesis o de situazion contabile:  in tancj câs il rindicont al è precîs e detaiât e al permet di otignî cun ordin dutis lis informazions, in altris câs il rindicont al da dome une sume finâl de spese fate (Linda Picco, Sandri Carrozzo, Efiets economics e ocupazionâi des leçs di tutele de lenghe furlane)
    Sin. resdiconts , rese di cont , rese dai conts , rese di conts
  2. s.m. relazion che e conte un fat:  sul cont di chest Congrès e à fevelât a lunc e ripuartât i rindiconts la stampe dai popui libars: chê taliane no si è nancje inacuarte (Josef Marchet, Federazion europee tra nazions o tra regjons?); la sere dal lunis, tal fogolâr dal Ucel, a faserin il rindicont dal viaç. «Dut ben?», ur vevin domandât i sotans. «No ben: benon!», a vevin rispuindût lôr [...] (Meni Ucel, I articjocs)
    Sin. relazion , rapuart