ricovar  /-ò-/  ri|co|var  [CO]

  1. s.m. lûc protet:  i canons a sbaravin. I ricovars che i alpins a vevin prontâts in presse a tignivin dûr, se no ju cjapavin in plen (Agnul di Spere, Cjalant la rive)
    Cfr. ricès , ripâr , ricet
  2. s.m. struture che e da acet a personis, in gjenar anzianis o disabilis o in cundizions socioeconomichis di dificoltât:  la cjase dal barbe Masaniello e jere une di chês che il picon al veve sparagnadis: vueide, par altri, che l'omp al jere tal ricovar (Gianni Gregoricchio, Barbe Masaniello); doi vecjuts dal ricovar di Paluce (Romeo Patatti, Vecjos e grispis)
    Sin. cjase di ricovar
  3. s.m. acet e assistence a un malât che al à bisugne di restâ in ospedâl par plui dîs:  al saveve a ce che al lave incuintri: al ricovar tal ospedâl, dîs dîs almancul di stâ li, se i lave ben (Amedeo Giacomini, Tal ospedâl)