resurezion
/-òn/
re|su|re|zi|on
[AF]
-
s.f.
il resurî, il tornâ ae vite dopo la muart:
a la fin dal mont uchì al comparirà un dai cuatri anzui cu la tromba e al clamarà i muarts a la resurezion. Cussì a dîs la lienda! (Stiefin Morat, Donald dal Tiliment)
Sin. resuride
Var. risurezion
, resurizion
, risurizion
-
rapresentazion artistiche o senografiche dal episodi sacri di Crist che al torne vîf dopo de passion e de muart:
te part alte dal portâl maiôr e je rafigurade la Resurezion, un timp contornade di dodis apuestui e de Anunziazion (Bepi Agostinis, Storie de art in Friûl);
sul sagrât, i «zûcs» a Nadâl e a Pasche: la Nativitât e la Resurezion (Dino Virgili, La aghe da pît la cleve)
-
s.f.
(fig.)
il tornâ a cjapâ vivôr, fuarce, podê e v.i.:
resurezions e tramonts di diviers oms politics che a àn caraterizât i ultins dîs agns de politiche regjonâl (Simone Bressan, Il panorame in Regjon dopo des votazions)
Sin. ricostituzion
, rinassite
, rinovament
, riprese
, resuride
Polirematichis e espressions idiomatichis