restâ indaûr
[CO]
-
loc.v.
restâ fer o movisi plui a planc rispiet a cdn. che si môf e che si slontane:
a montarin in biciclete, e vie fin da pît de rive di Raspan. Ricardo al le sù sflanchinant, dulà che Eliseu al scugnì dismontâ e lâ indenant a pît. Cuant che si visà che l'om al jere restât indaûr il frut al dismontà ancje lui par spietâlu (Carlo Sgorlon, Prime di sere);
o cjaminavin come svolant e la citât e restave indaûr, piçule, minude (Stiefin Morat, Kebar krossè)
-
loc.v.
(fig.)
jessi disavantazât intun confront, intune competizion, intun dialic e v.i.:
"Pauli, une curiositât, faseiso vilie di cuaresime vualtris?". Gno nono di bot: "Sigûr, siôr plevan no vuelial, no o fasìn sîs mês al an di vilie". Il plevan par no restâ indaûr: "No i parie masse?" (Mario Beltrame, Gno nono Pauli)
-
loc.v.
(fig.)
di lavôr, ativitât e v.i., restâ ancjemò di fâ, no finî o no lâ indevant cui timps che si pensave:
intant il lavôr che o vevin di fâ insieme al reste indaûr (Maria Forte, La Madone de Pâs);
il plan dai miei progjets di azion al jere restât indaûr e dome une part di chei e jere stade inviade (Adrian Cescje, Memoriis di politiche linguistiche)
-
di cdn., no puartâ indevant un lavôr cui timps che si pensave
-
loc.v.
di cdn., vê di jessi tart tal fâ alc par cdn. altri o tal paiâ cdn.:
gno pari al varà bevût ma nol è restât indaûr di une palanche cui ustîrs, magari lassantnus nô cence bêçs (Antoni Beline, La mê famee)
-
loc.v.
(fig.)
no jessi inzornât, no jessi atuâl:
cirî l'ecuilibri just fra aziendalisim e umanizazion, ma cence restâ indaûr cu la tecnologjie (Oscar Puntel, Libri vert pe sanitât-3);
la domande se i divorziâts a puedin fâ la comunion e varès di sedi ribaltade. Al sarès di dî: cemût lis fameis che si cjatin in situazions intrigadis puedino cjatâ zovament tai sacraments? La Glesie e je restade indaûr di dusinte agns (Tonin Cjapielâr, Tu ce puedistu fâ)
Components: