regjistrâ
re|gjis|trâ
[AF, TS]
-
v.tr.
burocr., dir.
notâ o fâ notâ intun regjistri:
il brevet doprât par creâ il vueit dentri dal imprest al è dal nestri Arturo Malignani, che però lu regjistrà dome tal 1894 (Raffaele Serafini, Contis sot spirt);
cuant che mi nas un vidiel, in 10 dîs lu ai di comunicâ ae ASL, regjistrâlu, fâ il passepuart e meti i rincjins (Marta Vezzi, Ravasclêt. Aziende agricule di Edda De Crignis)
Sin. notâ
-
v.tr.
cjapâ sù e tignî cont un dât, une informazion e v.i.:
si stan selezionant i "soministradôrs" [de indagjin sociolinguistiche], chei che a àn di lâ di cjase in cjase e regjistrâ lis rispuestis (Oscar Puntel, Fotografâ la lenghe: dopo 15 agns la Universitât dal Friûl e prepare la gnove ricercje sociolinguistiche che nus disarà cemût che al sta il furlan)
-
v.tr.
inacuarzisi e tignî cont di alc:
o regjistrìn cheste scopule che nus è capitade, cence cirî di scuindi cetant fuarte che e je (Josef Marchet, Furlans autonomiscj platonics);
i gjornâi, par altri, no àn nissune colpe di ce che al sucêt. Il lôr mistîr al è nome chel di regjistrâ e di contâ i fats (Riedo Pup, Il partît dai zovins coscrits)
-
v.tr.
[AF, TS]
tecn.
fissâ suns o imagjins o altri tun disc, tun nastri, tun supuart di memorie e v.i.:
la cineprese che e à regjistrât la serade si zire spes viers Rosane, la femine di Pio (Cristina Noacco, Faliscjis);
o fasevi basis musicâls pai cjantants che mi domandavin ancje di podê regjistrâ lis lôr vôs (Alessio Screm, 30 agns di Artesuono a Cjavalì)
-
v.tr.
[TS]
mec.
fâ che un mecanisim o un aparât al funzioni ben, variant te maniere miôr lis sôs regolazions:
regjistrâ il motôr
Sin. regolâ
, tarâ
-
v.tr.
vê o mostrâ un risultât, un compuartament, une tindince e v.i.:
l'andament des opzions tai cinc agns di aplicazion de leç a nivel regjonâl al regjistre […] une percentuâl plui o mancul costante (Patrizia Pavatti, La tutele de lenghe furlane a scuele)