radicâl
ra|di|câl
[AF]
-
adi.
[TS]
bot.
che al rivuarde lis lidrîs di une plante
-
adi.
(fig.)
che al rivuarde o che al va a tocjâ i aspiets di sostance di alc:
chestis domandis a son no sientifichis intun sens une vore plui intrinsic e radicâl: no puedin nancje jessi formuladis in tiermins sientifics (Sergio Cecotti, Teologjie algjebriche)
Sin. fondamentâl
-
adi.
(fig.)
che al agjìs o al sucêt in maniere complete e svelte:
une soluzion globâl, radicâl, definitive dal probleme (Riedo Pup, I furlans e il disarmo);
che al rivuarde o che al va a tocjâ i aspiets di sostance (Antoni Beline, No stait a vê pôre di vê coragjo)
Sin. complet
, da pît insom
, decisîf
, definitîf
, drastic
, fin insom
, fûr par fûr
, totâl
-
adi., s.m.
[AF, TS]
polit.
di ideologjie, partît politic, moviment, singul individui impegnât in politiche o te societât e v.i., che al pretint mudaments svelts e profonts, cun posizions che a puedin mudâ daûr dal contest storic:
il gjornâl "La concordia" di Turin, un sfuei di tindince mazziniane e radicâl, al publicave un violent articul cuintri Cavedalis (Giovanni Pillinini, Zuan Batiste Cavedalis - Une vite esemplâr);
forsi al è propit ce che si vûl a Madrid par crevâ une volte par dutis cualsisei rapuart tra ambients nazionaliscj moderâts e radicâi (Carli Pup, Bascs, il dirit dineât)
-
adi.
[TS]
ling.
che si riferìs o che al è part de lidrîs di une peraule
-
s.m.
[TS]
mat.
ogni lidrîs di un cualsisei radicant
-
s.m.
[TS]
chim.
ce che al reste di une molecule organiche cence un o plui atoms di idrogjen
-
biol., chim.
massime tal pl., atoms o grup di atoms une vore reatîfs che a vegnin fûr di une roture di leam covalent, che in percentuâl alte intun organisim a deventin tossics