Dizionari de Lenghe Furlane

puest di comant    [CO, TS]

1. loc.s.m. milit. postazion li che al è il comandant di une azion cui siei colaboradôrs:  a fâmi interogâ te cancelarie jo o 'nd ai scugnût lâ cuatri voltis […]. A volevin savê indulà che Tito si intanave, cui che al jere il comandant de brigade, i puescj di comant (Ivano Urli, Storie di Min)
2. loc.s.m. incjarie o funzion che e je adalt intune scjale jerarchiche, che e compuarte podê e responsabilitât:  chi di nô i furlans a àn continuât a fâ i contadins, i muradôrs, i operaris, e lôr a àn cjapade in man la scuele, la aministrazion, lis puestis, l'esercit, la polizie, i tribunâi e vie; in pratiche i puescj di comant (Antoni Beline, La Italie raziste, o ben: la ore dai conts)

Components:

• comant s.m.
• puest¹ s.m.