Dizionari de Lenghe Furlane

puçâ  pu|çâ  [AF]

1. v.intr. fâ un odôr trist:  farine viere che e puçave di musar (Dino Virgili, La aghe da pît la cleve); al jere sudât, e, cun rispiet fevelant, al puçave, puaret (Pieri Menis, Lis leiendis di Buie)
   Var. spuçâ
2. v.intr. (fig.) dâ une cierte impression negative:  chel rispiet che al puçave di fals e di sorade, di lontanon (Roberto Ongaro, Il muc); chel zentilom al puçave di massonarie (Pieri Somede dai Marcs, Un cuatri in italian)
   Sin. nasâ , nulî
3. v.intr. (fig.) fâ nassi dubis, suspiets:  finî simpri par vuadagnâi parsore. Parfin in afârs che nissun si impaçave, che a puçavin (Alan Brusini, Par stradis lungjis)
4. v.intr. (fam., fig.) risultâ disgrât, dâ fastidi:  i puçave di fâ dut fûr che stâ sentât a fevelâ saldo di mangjative (Alan Brusini, I universitaris); a lui no i puçave il lavôr. Al diseve simpri che al jere nassût cui cai tes mans (Maria Forte, "Nossent")
   Sin. infastidî , secjâ , stufâ
5. v.intr. fâ un odôr ancje no trist:  chei piarçui a jerin tant biei tes casselis e la int a lavin intorjur, che a puçavin di bon odôr par dut il marcjât (Meni Ucel, Piarçui)
   Sin. nasâ , nulî

Polirematichis e espressions idiomatichis

• puçâ la fadie loc.v.

Proverbis:

• cui che al mangje ai i puce il flât
• cui che al puce al sminuce, cui che al nase al travase
• il pes al scomence a puçâ tal cjâf
• la mierde che e monte in scagn o che e puce o che e fâs dam
• la mierde che e salte in scagn o che e puce o che e fâs dam
• la trope umiltât e puce di supierbie
• masse cortesanie e puce di ingjan
• mierde montade in scagn o che a puce o che a fâs dam
• plui si messede e plui e puce
• se nol puce di Vierte, di Atom nol nase bon