promozion
/-òn/
pro|mo|zi|on
[FO]
-
s.f.
passaç di une vore, incarghe, classe e v.i. a une altre superiôr:
vê une promozion a Dirigjent di Tierç livel al ere propit impussibul, almancul che no tu vessis vût cualchidun bon di pocâti (Stiefin Morat, Kebar krossè);
la promozion in serie B cul primât tal so ziron e cumò ancje la Supercope di Serie C. Il Pordenon al siere la stagjon cuntun altri sucès (Marc Stolf, Sport furlan di sucès, il Pordenon al vinç ancje la Supercope di Serie C);
chest an record di promozions pe maturitât in Friûl (Cjastrons, Record di promozions pe maturitât in Friûl)
-
s.f.
il puartâ indenant, il sostignî, il judâ:
chê dal teatri par furlan e jere une risorse vive pe promozion de lenghe e de culture (Max Mauro, Un Friûl difarent: i 90 mhz di Onde Furlane);
lis Buteghis dal mont: a son i distributôrs finâi, ma a fasin ancje ativitât di informazion, di sensibilizazion e di promozion culturâl dal consum responsabil (Buteghe dal Mont, Luche Nazzi, Guide par un consum just e solidâl)
-
s.f.
complès di ativitâts e tecnichis di marcjât par stiçâ l'interès dai consumadôrs:
se si vûl fâ campagnis di promozion bisugne definî, prin di dut, cui che al è il destinatari (Sandri Carrozzo, Autonomie e politiche linguistiche pal furlan)
Sin. presentazion
, propagande
-
ufierte cun presit speciâl par invoiâ a comprâ:
promozions di Nadâl in Filologjiche! Par dut il mês di Dicembar 50% di scont su dutis lis nestris publicazions (Redazion SFF, www.filologicafriulana.it)
-
s.f.
[TS]
sport
campionât di balon di diletants, a nivel regjonâl, jenfri prime categorie e ecelence:
o soi rivât a Udin une vore zovin e o soi stât ben: o rivavi dal paîs, de promozion. Ma no ai biei ricuarts a nivel sportîf […] la prime [partide] o vin cjapât 5 goi cu la Fiorentine (Christian Romanin, Dino Zoff: «O vin lidrîs buinis, o vin di tignîlis di cont»)
-
s.f.
[TS]
zûcs
tai scacs, pussibilitât di cambiâ un pedon rivât te ultime file de scachiere cuntun altri toc di plui valôr