propagande
/-gà-/
pro|pa|gan|de
[AF]
-
s.f.
difusion di ideis, teoriis, posizions politichis e v.i.:
te societât dai operaris di Sant Denêl il professôr Nibil Cignulin al veve proponût di organizâ miei i emigrants, e po a jerin stadis riunions a Udin cul deputât Rondon par proviodi… e cumò a jerin daûr a fâ propagande ator pai paîs… (Dino Virgili, La aghe da pît la cleve);
o sin sglonfs come botis di propagande nazionalistiche sfuarçade, vueide e bausarie; o sin stufs di odeâ e di copâ cui che Rome, pal so interès e pe sô mangjadorie, nus comande di odeâ e di copâ (Josef Marchet, Blestemis)
-
difusion di ideis, teoriis, posizions politichis e v.i. fate in maniere masse partesane, cence nissune corispondence cu la realtât dai fats:
«E la storie che i todescs i taiavin lis mans ai frutins?» E lôr: «Balis, siore mestre, propagande dai gjornâi» (Alan Brusini, Come tai romançs)
-
s.f.
azion par fâ cognossi e promovi un prodot:
la robe purcine, dongje cun altre robe di mangjâ, e je une vore innomenade e in gracie de cualitât straordenarie e di une buine azion di propagande e riclame compradôrs ancje di une vore lontan (Sandri Carrozzo, Un paîs furlan in Argjentine: Colonia Caroya)
Sin. promozion
, reclam
-
s.f.
(fig., iperb.)
il fâ cognossi, il meti in mostre il laudâ alc o cdn., ancje cence finalitâts ideologjichis o comerciâls:
"Alore tu sâs di cui che e je? " "Sigûr che lu sai! Chê pipe li le cognossin fin a Vignesie, di tant che e je stade mostrade e cun tante propagande che i à fat il so paron! […]" (Roberto Ongaro, Cretevierte)