prestâ
pres|tâ
[AF]
-
v.tr.
dâ alc a cdn. cul pat che si lu torni indaûr, cence nissun compens economic:
a son in masse a savê che tu i prestis la cjavale al Andreuç, cuant che al ven ca a Sant Denêl (Alviero Negro, Int di masnade);
i veve za prestât passe vincj francs e al veve pocje sperance di tornâ a vêju indaûr (Roberto Ongaro, Cretevierte)
Sin. dâ a imprest
, imprestâ
-
dâ bêçs a cdn., cul pat che ju torni cun sore une cierte percentuâl di interès:
i Bertui a vevin fat chê grande sostance a fuarce di causis e di trapulis, cul puartâ vie la robe ae lôr parintât cun mil trucs e avocats tes divisions, cul prestâ bêçs come i usuraris (Pieri Somede dai Marcs, Une butule verde)
-
v.tr.
(fig.)
fâ une azion che e compuarte la concession di alc, ancje imateriâl, a cdn.:
i àn prestade la assistence plui splendide e cordiâl (Giovanni Gortani, Lant jù pe Tresemane);
prestâ il dovût rispiet ai so superiôrs (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera);
tant cjandit che al prestave fede a dutis chês che i disevin, par strambis che a fossin (Meni Ucel, Mondo birbo)
Sin. dâ
Proverbis:
- cui che al preste al piert la ceste
- te robe dal comun nol preste man nissun