presonîr
pre|so|nîr
[AF]
-
s.m.
cui che al è in preson o intune altre cundizion di detenzion e di sprivazion de libertât imponude cu la fuarce di une autoritât:
[i venezians] a taiarin il cjâf a trente presonîrs furlans e parfin a vincj feminis cjapadis, che mai no si veve sintude une tâl cuintri dai presonîrs (Dino Virgili, La aghe da pît la cleve);
tes galeris di Palme i presonîrs a vignivin interogâts e percuisîts (Carli Pup, La seconde Irlande)
Var. prisonîr
, presonêr
, prisonêr
Cfr. galiot
, condanât
, detignût
-
cundizion di cui che al è sprivât de libertât di une autoritât:
Talico nol jere tornât di prisonîr, muart sigûr di fam in Austrie (Pieri Menis, Chei di Muraie)
-
s.m.
(fig.)
cui che i mancje libertât o une part de sô libertât o che nol pues sodisfâ ciertis bisugnis o aspirazions o che nol rive a gjavâsi di une situazion, ancje cence une imposizion sfuarçade di une autoritât:
a vevin scuviarzût che ur tocjave par destin di restâ presonîrs di cheste esitance (Gianni Gregoricchio, Îr e doman);
al jere presonîr dal so amôr malapaiât e tal ricuart di jê (Alan Brusini, La ultime partence)