preparât
pre|pa|rât
[AF]
-
p.pass., adi.
viôt preparâ
, viôt preparâsi
-
adi.
che al è fat o metût intune cierte disposizion o cun cierts furniments par une operazion, ativitât e v.i.:
la campagne e jere dute une fieste di colôrs, il maron dai cjamps preparâts pal forment, il vert dai prâts, il zâl dal soreâl (Carlo Sgorlon, Prime di sere)
-
de taule, cun la tavuaie, i plats, lis possadis e dut ce che al covente par mangjâ:
Milie e cjalave la taule preparade, lis plantis verdis e lis rosis metudis un pôc pardut (Pieri Menis, Si disarès che e je inventade)
-
adi.
che al è pront, che al è in cundizion di frontâ alc:
o jerin zovins e plens di vite e no jerin preparâts a murî, no mi vergogni a disi che il rumôr dai canons e des pistolis mi faseve vaî (Checo Tam, Lady Marmalade);
"Vevis almancul di visâmi par che o fos plui preparade." (Costantino Smaniotto, Co l'amôr al cimie)
Sin. pront
, parât
-
adi.
che al à competence intun ciert setôr in graciis di une formazion teoriche e pratiche:
a coventin insegnants preparâts cuntune abilitazion ricognossude (Adrian Cescje, Memoriis di politiche linguistiche);
nissun o scuasi nissun dai umign preparâts e competents di chenti nol podè mai meti la çate tes facendis di cualchi impuartance (Josef Marchet, Fûr cui che i tocje)
Sin. alenât
, competent
-
s.m.
sostance chimiche o farmaceutiche che e derive di une elaborazion, cu la presince di plui elements:
poiâ une gote di colorant e spietâ dîs minûts, par che e puedi agjî sul preparât (AAVV, Esperiments par furlan)
Sin. preparazion
-
s.m.
confezion alimentâr cui plui ingredients za dosâts par fâ un ciert prodot:
un preparât par purè di patatis in buste
Proverbis:
- cuant che il ben no si lu vûl, il mâl al è preparât
- cui che nol vûl il ben, il mâl al è preparât