potenziâl
po|ten|zi|âl
[CO]
-
adi.
che al pues jessi, che al pues deventâ, che al pues meti in vore un efiet, ancje dome par ipotesi:
i potenziâi letôrs di poesie furlane a son pôcs, che ben s'intint: inte plui otimistiche ipotesi si rivarès a 5 mil. E i potenziâi compradôrs a son une vore di mancul (Laurin Zuan Nardin, Fra autôrs e letôrs)
-
s.m.
[TS]
fis.
funzion des variabilis di posizion par esprimi il gradient di un cjamp vetoriâl
-
s.m.
il podê deventâ alc, il podê fâ alc, il vê a disposizion e ce che si pues deventâ, fâ o vê:
il diretôr […] al stime che il progjet al vedi il potenziâl par otignî un sucès (Janez Erat, Gnûf plan pe scuele secondarie slovene a Viene)
-
capacitât che e pues jessi metude in vore:
students che a àn potenziâl ma no àn interès (Mario Dutto, Scuelis di cualitât e lenghis di minorance. Une riflession su la lenghe furlane intes scuelis)
-
s.m.
ancje tal pl., complès di mieçs, ancje economics, o militârs, o politics che al à un sogjet, une istituzion, un stât:
la difese militâr dal confin orientâl e reste simpri tes mans dal nestri formidabil potenziâl militâr (Josef Marchet, Fevelâ par dibant)
Sin. fuarce
, pussibilitât