popul1
/pò-/
po|pul
[FO]
-
s.m.
grup di personis leadis di comunance di culture, lenghe, costum e dispès ancje teritori:
il pape nol voleve cjatâsi a muse a muse cul imperadôr di Costantinopoli, e invezit di fâsi judâ dai Langobarts, al è lât a clamâ un altri popul: i Francs (Francesc Placerean, La nestre storie);
traviers de tutele de lenghe si rive a tutelâ la identitât dal popul furlan (Adrian Cescje, Memoriis di politiche linguistiche)
Sin. povul2
Cfr. int1
, popolazion
, nazion
, etnie
-
complès dai citadins di un stât a pet dai sorestants:
il popul, chel grant… bon popul, trê voltis bon, al pâr che al sedi destinât a jessi menât pal nâs (Guido Antonioli, Florean dal Palaç, I, 1)
Sin. int1
-
s.m.
part plui puare de popolazion:
la vacance in campagne e jere une manie dai Venezians, che a fossin siôrs o puars, patrizis o int dal popul (Pierluigi Visintin, Friûl e furlans te Histoire de ma vie di Giacomo Casanova);
e veve la furbarie di une femine furbe dal popul (Maria Forte, Mabile la Lunghine)
Sin. int basse
, popul bas
-
tal lengaç de filosofie marxiste, classe dai proletaris:
il popul al devi vê justizie e libertât e i dirits dai operaris a son sacrisants, impen che i parons a fasin dome bêçs su lis spalis di chei che a lavorin (Tarcisio Venuti, La cjase di Toni)
Proverbis:
- cui che al fonde sul popul si plante tal savalon
- il popul o che al alce trop o che al sbasse trop
- vôs di popul, vôs di Diu