popolazion
/-òn/
po|po|la|zi|on
[FO]
-
s.f.
complès des personis che a vivin intun lûc, di un paîs, di un teritori:
si viôt une vore ben che la popolazion furlane e cale dibot tal ultin cuart dal 1500. Po e torne a calâ fuart tal 1629 e te desene di agns daspò. E je stade cualchi cause di nature epidemiche o cualchi cjaristie che e à fat che al sucedès chest (Adrian Cescje, Liniis di storie sociâl e economiche dal Friûl 1500 - 1800);
i prins fenomens di emigrazion di grandis dimensions dal Friûl a son tor de metât dal Votcent e dal 1880 a deventin massîfs, cjapant dentri fin cuasi il 6% di dute la popolazion (Furio Bednarz, La emigrazion dal Friûl - Vignesie Julie: destinazion Svuizare)
Sin. popul1
-
grup di int cun carateristichis similis, ma che al pues no vê une unitât etniche o nazionâl:
trê regjons [Friûl, Carintie e Sclavanie] di popolazion serie e buine di lavorâ, ma disturbade simpri da cuistions internazionâls (Josef Marchet, Votazions regjonâls);
in cierts moments si permet a popolazions barbarichis di jentrâ intai teritoris romans (Fabian Ros, La invenzion dal stât)
Sin. popul1
-
s.f.
grup di personis che, vint intun ciert moment e intune cierte zone carateristichis comunis, a puedin jentrâ intune stesse categorie:
il tierç criteri (grât di ruralitât) al jere il rapuart tra popolazion ative in agriculture e popolazion ative totâl (Linda Picco, Ricercje su la condizion sociolenghistiche dal furlan)
-
s.f.
[TS]
stat.
insiemi di un numar finît o infinît di unitâts statistichis classificadis cuntun o plui caratars
-
s.f.
[TS]
biol.
complès di individuis di ciertis speciis di flore o faune di une zone gjeografiche ben definide:
la popolazion di cjamoçs che e je inte Aree protete e je rivade a nivei dongje dai valôrs otimâi (Luciano Gaudenzio, Michele Zanetti, Dolomitis Furlanis. Lis vôs dal Cidin)
-
s.f.
[TS]
biol.
insiemi di elements celulârs, massime dal sisteme emopoietic, che vint carateristichis morfologjichis e funzionâls comunis a son un grup ben definît
-
s.f.
[TS]
fis.
numar di particulis di un sisteme che a ocupin un ciert nivel energjetic