poce
/pò-/
po|ce
[AF]
-
s.f.
ingjâf pôc font e pôc grant tal teren, cun dentri aghe, pantan o altri licuit:
il cîl lavât de ploie al jere umit e clâr, e dut al pareve plui net e plui vicin. Su lis stradis a slusivin pocis di aghe pantanose (Carlo Sgorlon, Prime di sere);
al veve finît di plovi ancjemò doi dîs prin, ma in chê stradate lis pocis no si jerin suiadis (Carlo Tolazzi, La salamandrie tal fûc)
-
ingjâf, naturâl o artificiâl, ancje avonde grant e font cun dentri aghe, pantan o altri licuit:
a 'nd vevin contadis tantis sù pe inondazion: fruts che a jerin colâts jù dai puints e puartâts vie da la aghe, altris sbrissâts in pocis di pantan e scjafoiâts (Pieri Menis, Il gno prin pâr di scarpis);
o sint là jù sot i pôi la aghe che e passe e che e murmuie ancje jê come lis feminis sui lavadôrs de poce là sù dal volt dal Broili (Dino Virgili, I pôi sul ôr da la aghe)
Cfr. lame
, sfuei2
, poçale
-
s.f.
(fig.)
cuantitât di licuit par tiere:
il muart al steve lunc distirât cu la panze par aiar sul prât e il sanc daûr de cope al veve za fat une piçule poce (Adriano Nascimbeni, Remo e sô fie)
Sin. slavanderi
, slavuac
-
s.f.
(fig., scherç.)
mâr o ocean, soredut tant che aghe che e divît il Friûl di altris paîs o la Europe di altris continents:
congjedât, al passà la poce e a sô mari, prin di partî, i disè: «O torni a cjoliti, sâstu mame, ogni pôc che mi vadi là jù…» (Pieri Menis, Une cotule pal dì de sagre);
cumò il vizi [di fâ gnocis scjassosis] al è rivât ca, di ca de poce (Josef Marchet, Lis predicjis dal muini)
Polirematichis e espressions idiomatichis
Proverbis:
- ancje il soreli al bat tes pocis e no si sporcje