plume1
plu|me
[AF]
-
s.f.
ognidune des formazions corniis che a cuvierzin i uciei, fatis di un as centrâl plui dûr di dulà che a partissin franzis laterâls, che a parin dal frêt e da la aghe, a permetin di svolâ, a puedin vê formis e colôrs particolârs:
[i ôcs] a polsavin ta la ombrene lungje dal tor, si spulinavin cun impegn, tra plume e plume, a lavin ca e là cun ande plene di dignitât (Maria Forte, I ôcs di Miute);
Berto e Faustin a rivarin denant di lôr mari cul cjapiel di alpin; che a parevin monuments, e la plume alte come la ponte di un confenon (Maria Forte, Cjase di Dalban)
-
ancje cun sens coletîf:
lis gjalinis a pierdevin la plume e no fasevin ûfs (Alan Brusini, Come tai romançs);
il frut al durmive come un pacjo sul grant jet di plume (Pieri Somede dai Marcs, Par une lengate)
-
(ancje fig.)
in paragons o metaforis par dî di alc o di cdn. une vore lizêr:
li si fermà e, come par incjant e dut un bot, si sintì lizêr tant che une plume (Fabian Ros, Il lôf)
-
s.f.
(meton.)
uciel:
ven ca un odôr di vert e cualchi plume / svolâ si viôt (Enrico Fruch, Mi plasin…)
-
s.f.
[TS]
sport
categorie di pês di ciertis dissiplinis, soredut dal pugjilât che tai professioniscj e rive fin a 57 kg
-
s.f.
persone che no si compuarte ben, che al è pôc ce fidâsi:
in Friûl a vignivin clamâts sot lis armis dusinte e trente fantats in dut e par dut, e la plui part e jerin di chês plumis che nissun vaìve la lôr partence (Josef Marchet, Cuintristorie dal Friûl fin sot la Italie)
Sin. lane
, blave
, fiube