Dizionari de Lenghe Furlane

pierdi l'onôr    [CO]

1. loc.v. compuartâsi in maniere di no meretâ plui il rispiet di chei altris:  robariis stupidis, che a fasin piardi l'onôr cence nancje puartâ un risultât al lari (Josef Marchet, Lis predicjis dal muini); piardi l'onôr a cirî di vivi di espedients o di imboscâsi in mistîrs creâts no par produsi ma nome par tirâ la paie (Riedo Pup, Tanto cjapo e tanto magno)
   
   1. daûr des concezions morâls o moralistichis tradizionâls, di une femine, pierdi la vergjinitât cence jessi maridade:  si po mai crodi: une fantate che e veve pierdût l'onôr in chê maniere! Cui si saressial presentât a domandâle? (Roberto Ongaro, Cretevierte)

Components:

• onôr s.m.
• pierdi v.tr., v.intr.