Dizionari de Lenghe Furlane

pierdi colps    [CO]

1. loc.v. di mecanisim, vê un funzionament iregolâr
   Sin. pierdi cualchi colp
   
   1. (fig.) di part dal cuarp, no funzionâ ben:  il voli che al compagne la man, dopo tancj zeis intiessûts, ancje se al è zovin, al scomence za a pierdi colps (Raffaele Serafini, Altris contis di famee)
2. loc.v. (fig.) di cdn., vê moments li che si piert concentrazion, capacitât di comprension o li che si no compuartisi in maniere normâl, o che no si profite di ocasions e v.i.:  "Humm…" al veve rugnât alore. "O scomenci propit a piardi colps" (Gianni Gregoricchio, Pollione Magrini)
   Sin. pierdi cualchi colp
   
   1. ancje di un coletîf o di une istituzion o di une situazion e v.i., tacâ a lâ in piês:  la autonomie dal Friûl e piert colps e il Venit al slargje simpri di plui lis sôs sgrifis su la nestre economie, su la nestre culture, su la nestre politiche (Walter Tomada, La Regjon e fâs Fieste pe fin dal Stât furlan)

Components:

• colp s.m.
• pierdi v.tr., v.intr.