picâ
pi|câ
[CO]
-
v.tr.
(ancje ass.)
bati cuntun pic, cuntun picon o cun alc a ponte:
al à tacât a picâ la stabilidure, di ca, di là, che a mi mi vignivin i sudôrs frêts a viodi chel lavôr. Fintremai che al à cjatât fûr, sot lis maltis, un fregul di colôr (Josef Marchet, Lis predicjis dal muini);
al picave la cjalcine a planc par no ruvinâ i modons (Carlo Sgorlon, Prime di sere)
Cfr. piconâ
-
v.intr.
vê une forme a spice, che e da sù:
dut il cuel al art in cjandele cui siei pins che a pichin tal cîl incandît di scotôr (Dino Virgili, La aghe da pît la cleve)
-
vê un moviment o une direzion verticâl, insù o ancje injù:
il pes al picà cul cjâf tal mûr licuit e il mûr al si lassà furducjâ di chel cjâf di fûs (Domeni Zannier, La crete che no vai)
-
v.intr.
di plante o part di plante, vignî fûr cun butadis gnovis:
i pôi vieris, sul flum, a trimavin tal cîl e ta la aghe come un sium di lontanance infinide; ma ancje a picavin ogni Viarte di fueis gnovis (Dino Virgili, La aghe da pît la cleve)
Sin. spontâ1
, picotâ
-
(fig.)
ancje di element no vegjetâl, di fat, fenomen, novitât, struture, organizazion, individui e v.i., nassi, vignî fûr:
a son picadis come foncs chestis struturis [di supuart ae produzion cinematografiche] (Oscar Puntel, Cinecittà, cemût si disial par furlan?)
Proverbis:
- cuant che e piche la canele, si mangje la saradele
- pic pic, il taiepiere nol deventarà mai ric: finît di picâ, finît di mangjâ