perle
/pè-/
per|le
[AF]
-
s.f.
concrezion taronde produsude di cierts moluscs, une vore preseade par fâ zoiis:
[la regjine] ur dîs a lis camarelis di puartâi ca i vistîts plui biei di fieste, cui furniments di aur e di perle (Josef Cjargnel, La regjine dal Landri);
paraments ros e aur, ricamâts di perlis che a slusivin come gotis di rosade te lûs des cjandelis (Pieri Menis, Chei di Muraie)
-
cualsisei decorazion che e vedi une forme taronde e che e ricuardi la concrezion fate dai moluscs:
la gjostre e je pronte, plene di spiei, perlis, lustrins e lûs di ogni bande (Pieri Somede dai Marcs, La cavalarice)
-
s.f.
(ancje fig.)
in comparazions o metaforis par dî alc di taront, clâr, slusint:
[il spirt di un frutin inocent] al larà sul prât di Plovit cu lis alutis sot dal barbuç a balâ cu lis perlis di rosade (Dino Virgili, La aghe da pît la cleve);
il sudôr i meteve perlis sul cerneli (Maria Forte, La cjase dal Murat)
-
s.f.
(fig.)
persone, robe, localitât che e à tantis bielis cualitâts:
une perle di frute, un zi, une rose… (Meni Del Bianco, Ae mari de nuvice);
"Tu sês la perle de famee" (Pieri Piçul, Vieri e gnûf);
dopo cualchi an, in particolâr Sclopetin e Pignûl, a jerin tornâts a jessi lis perlis enologjichis dal nestri Friûl (Dree Venier, Giannola Nonino: une rivoluzion partide des lidrîs);
dongje dai editoriâi che o vin publicât, "la Patrie" e ripuarte in chescj doi agns altris dôs perlis di grant sflandôr: lis Letaris ai furlans e la Cuintristorie dal Friûl (Antoni Beline, La eterne lote dai furlans)
Sin. stele1
, stelon
-
s.f.
(scherç., antifr.)
fal grandonon, robe une vore brute:
il câs de glesie-astronâf di Maian, insieme cun altris "perlis", al restarà come testemoneance vergognose di sieltis scandalosis (Antoni Beline, Ai 6 di Mai dal 1976, il taramot in Friûl "Prima le case poi le chiese" Storie di un slogan robât)
-
s.f.
magle tal blanc dal voli:
par via di una perla sul voli, lu vevin scartât [di militâr] (Ranieri Mario Cossâr, Gnot di Sant Silvestri)
Polirematichis e espressions idiomatichis
