Dizionari de Lenghe Furlane

pelegrin  /-ìn/  pe|le|grin  [AF]

1. s.m. cui che al fâs un viaç o une visite a di un lûc sant:  i pelegrins di Rome si clamavin "romeus" e il pelegrinaç al à tacât a cjapâ pît soredut dopo dal Tresinte, cuant che Bonifaci VIII al à screade la schirie dai jubileus (Antoni Beline, Sant Jacum, là che al finìs il mont)
   
   1. tes contis popolârs, dispès in riferiment a sant Pieri e al Signôr:  ringraciât il fari, i doi pelegrins, cence fâ altris peraulis, a si cjapin sù e van pe lôr strade (Luigi Gortani, Il mestri sore ducj i mestris)
2. adi. (fig.) che al è simpri ator, lontan de cjase o de patrie:  tal cercli [di int ator dal fûc] Shell al contave la sô vite pelegrine, cui zenoi dentri dal incjastri des mans (Dino Virgili, La strade come un destin)
3. s.m. [TS] entom.com. viôt lusigne
   
   1. (scherç.) viôt pedoli