passarin1
/-ìn/
pa|ssa|rin
[CO]
-
s.m.
piçul di passare:
e come i berechins, / voi termenant pai cops a passarins (Pieri Çorut, La mê biografie);
il cûr i svolopave come un passarin colât dal nît (Maria Forte, Il Bide di Miot)
-
passare in gjenerâl, ancje no di nît:
dal zardin al vignive sù il cisicâ dai passarins e il "grugru" dai colomps (Gianni Gregoricchio, Îr e doman)
-
s.m.
[CO, TS]
itiol.com.
non comun dât a cierts pes di mâr dal ordin dai Pleuronetiformis, in particolâr di Platichthys flesus:
si rangjavin: a spiulâ forment o blave o ue, a rancurâ foncs o cais pai boscs, a pescjâ gambarei o masanetis o passarins in marine (Alviero Negro, Setimio)
Sin. passare
-
s.m.
(fig.)
tal pl., zûc di butâ claps par fâju saltâ sul pêl da la aghe:
a cjalavin lis sisilis che a sfrissavin il pêl da la aghe in seadis di ligrie, tant che i «passarins» di slavare (Dino Virgili, La aghe da pît la cleve)
Sin. ocje
-
s.m.
(fig., pop.)
spudade sgargaiose:
gno cusin Balote, là vie insom, al à tirât fûr dal sgrasalâr tancj di chei passarins, che o ‘ndi varai di implenâ la scovacere, cuant che o passarai di chê bande a scovâ il paviment (Josef Marchet, Lis predicjis dal muini)
-
s.m.
(fig.)
informazion risiervade o segrete:
une des primis regulis par gjavâ i passarins e je chê di no fâ mai domandis e di fâ fente di no jessi masse interessâts ai segrets di chel atri (Antoni Beline, La fabriche dai predis)
Sin. passarat