passare
/pà-/
pa|ssa|re
[AF, TS]
-
s.f.
ornit.com.
non comun di cualchi specie de famee dai Passeridis, in particolâr Passer italiae e Passer domesticus:
a ciccicavin lis passaris parmìs de gleseute dai agnui (Dino Virgili, La aghe da pît la cleve);
a tabaiavin de stagjon, des passaris che a fasevin il nît sot i cops de gleseute e dai fruts di Merêt che ju sclapavin ducj montant parsore par cjapâ passaris (Lucio Perès, Messe a Sant Zuan)
Cfr. passarat
, passarin1
, passarot
-
s.f.
(fig.)
femine cjacarone o insuride:
par strade a passavin chês passaris di filanderis che a tornavin di vore, e chei mostros di operaris di Cescje che a vevin simpri alc ce dî (Meni Ucel, Otavari a Madone)
-
s.f.
itiol.com.
non comun dât a cierts pes di mâr dal ordin dai Pleuronetiformis, in particolâr di Platichthys flesus:
bisats, sfueis, passaris, brancins, oradis, sardelis, caparots, gjambars… Tancj a son i protagoniscj de pescje te nestre lagune (Margherita Timeus, Il nestri pes: une sielte inteligjente)
Sin. passarin1
-
pes di aghe dolce e ferme, viôt sgjardule
:
cu la mê [cjane], invezit, mi someave di no rivâ nancje a ingolosî lis passaris, che a son i pes plui sturnei. Pûs crodi lis tencjis! (Lucio Perès, A pescje tal suei)
Proverbis:
- feminis e passaris un grant scjalâr di cjacaris
- par vê la pâs in chest mont a vuelin trê robis: une femine par cjase, une passare par vile, une cocule par sac
- une femine par cjase, une passare par vile, une cocule par sac