Dizionari de Lenghe Furlane

partignince  /-ìn-/  par|ti|gnin|ce  [AF]

1. s.f. il jessi di proprietât o di possès di cdn. o di alc:  nol saveve che la plêf di Dignan, la nestre viere Plêf, e jere sotane de Badie e che i prâts a jerin di chê partignince (Lucio Perès, Gno nonu, il "storic")
   Var. apartignince , pertignince
2. s.f. il jessi part, il fâ part di alc:  il cuistionari al domandave ancje di precisâ la partignince etniche e la lenghe di ognidun dai abitants (Josef Marchet, Censiment)
3. s.f. il fat di rivuardâ, di tocjâ, di jessi pertinent:  in cheste peraule ["buineman"] la man no à nissune partignince parcè che a figure dome come une etimologjie pustice (Piera Rizzolatti, Bondì, bon an, deitmi la buine man!)
   Sin. pertinence
   
   1. il jessi sot di une cierte autoritât o jurisdizion, il vê di jessi tratât di cdn. che al à une cierte capacitât o autoritât:  un afâr di partignince dal pretôr (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
      Sin. competence
4. s.f. spec. tal pl., ce che al è unît a strent a alc altri, massime costruzion che e je part di un edifici:  in plui des partignincis rustichis, il complès al cjape dentri une torate medievâl (Consorzi pe difese dai cjistiei storics dal Friûl - Vignesie Julie, www.consorziocastelli.it)
   
   1. part di un teritori che al è di une cierte proprietât o jurisdizion:  grant part dal stabil al è sot Tresesin, ma e son des coloniis in partignincis di Reane e di Magnan (Giulio Andrea Pirona, Ercole Carletti, Giovanni Battista Corgnali, Il Nuovo Pirona)