paralêl
pa|ra|lêl
[AF]
-
adi.
[TS]
gjeom.
di linie o plan, che a risultin simpri ae stesse distance rispiet a une altre linie o a un altri plan in ogni lôr pont:
un fas di retis paralelis che a intersechin dôs retis di traviers a determinin classis di segments proporzionâi in forme direte (Adrian Cescje, Viaç aes origjins dal Logos)
-
adi.
che al va te stesse direzion di alc altri, tignintsi simpri ae stesse distance:
il tunel stradâl al jere dibot paralêl a chel feroviari (Agnul di Spere, Fieste di inaugurazion)
-
adi.
(fig.)
di fenomen, che al sucêt tal stes timp, in corispondence o cun someancis cuntun altri:
une prime riflession sul percors paralêl tra procès di integrazion europeane e atenzion mostrade dal Consei de Europe e de CSCE pe tutele des minorancis (Marc Stolf, Minorancis linguistichis)
-
s.m.
[TS]
gjeogr.
ogni circul ideâl segnât su la superficie de Tiere, paralêl al ecuatôr e perpendicolâr al as de Tiere stesse, cjapât tant che element par indicâ la latitudin:
la rie blancje dal confin e varès vût di lâ daûr dal paralêl gjeografic al milesim (Tarcisio Venuti, La cjase di Toni)
-
s.m.
il jessi o il meti in relazion doi o plui elements un a pet di chel altri:
chestis contis e crodincis, come che al è za stât notât di putrops studiôs, a pandin elements di paralêl cuntune descrizion di Gaius Plinius Secundus (Sandri Carrozzo, Il miluç de magne)
Sin. confront
, paragon