par mût di dî
[AF]
-
loc.av., loc.adi.inv.
disint alc che par lizerece tal fevelâ, par scherç, par eufemisim, par esagjerazion e v.i., nol corispuint al sens leterâl:
si viôt une crete salvadie e, da pît la crete, un grant cjadin, une grande plere plene di aghe turchine. Ma no turchine par mût di dî, turchine pardabon (Dino Virgili, Un riul tra Venit e Friûl);
tu sês a stâ in cjase cui tiei, tu âs un stipendi par mût di dî, la tô vite sentimentâl e sta lant a tombolons parcè che no tu âs la disponibilitât economiche par fâ il pas sucessîf (Moira Pezzetta, E il Friûl al vose Vai Fradi: al è il moment di Doro Gjat);
e lavorave intune cooperative di chês par mût di dî. Une di chês che a fasin lis puliziis tes fabricutis che a dan a esternis chel gjenar di lavôrs. Un lavorat sporc e mâl paiât, ma lavôr (Igor Londero, Delit in vie del Lavoro)
Sin. tant par dî
-
loc.av.
par ipotesi:
se il Friûl, par mût di dî, al deventàs un Stât indipendent, […] si scugnarès dâ dongje un guviar (Riedo Pup, Politiche estare dal Friûl);
se, par mût di dî, tu passis masse timp denant di un barcon… alore al vûl dî che al è alc altri di regolâ… e alore, va là dal to miedi, Montàg, che ti cognòs ben (Stiefin Morat, Kebar krossè)
Sin. metipen
, metìn
, par dî
, par dî une
, metìn a dî
Components:
-
dî
v.tr., v.intr., s.m.sing.
-
mût
s.m.