Dizionari de Lenghe Furlane

palât  pa|lât  [CO, TS]

1. s.m. anat. volt che al forme la part disore de bocje:  il tiermin prepalatâl al veve vût une buine difusion, massime in scrits divulgatîfs, ma nol è coret stant che al segnarès une articolazion de bande anteriôr dal palât (Sandri Carrozzo, Precisazions su la Gramatiche fonetiche furlane)
   Sin. cîl de bocje
   
   1. med. volt che al corispuint o che al aderìs a chê part de bocje intune protesi:  dentieris sence palât (Ernesto Licciardelli, Publicitât "Dentist American", cit. in Strolic furlan pal 1988)
2. s.m. (fig.) percezion e valutazion personâl dai savôrs:  cumò al nestri palât / nol plâs il vin nostran: / co nol è navigât / nol è bon, nol è san (Pieri Çorut, La mode)
   Sin. gust , bocje