Dizionari de Lenghe Furlane

pôl²  pôl  [CO]

1. s.m. [TS] astron., gjeogr. ognidun dai doi ponts di intersezion dal as di rotazion di une stele o di un planet cu la sô superficie
   
   1. su la Tiere, regjon gjeografiche ator di chel pont:  la energjie - ven a stâi il calôr - che la Tiere e ricêf par unitât di superficie e je tante di plui li dal ecuatôr e tante di mancul li dai pôi (Stefano Micheletti, Marcellino Salvador, Notis di meteorologjie pal Friûl - Vignesie Julie)
2. s.m. [TS] fis. pont di un sisteme di fuarcis cun carateristichis diferentis tra di lôr
   
   1. ognidune des dôs estremitâts di un magnet
   2. eletr. ognidun dai morsets eletrics di un component:  cjalâ di ce bande che al va il pôl positîf de pile
3. s.m. (fig.) centri di atrat e difusion di fenomens sociâi o economics:  il conflit citât - campagne chi al è daûr a davuelzisi a pro de prime, pôl di atrazion e di alienazion socioculturâl e linguistiche tal ambit dal teritori (Adrian Cescje, Memoriis di politiche linguistiche)
4. s.m. (fig.) coalizion di plui impresis:  rivâ ae creazion di un pôl unic regjonâl dal lat e dai siei derivâts (Linux, Lis evoluzions sul teme dal lat)
   Sin. centri , coalizion , consorzi
5. s.m. (fig.) coalizion di partîts fondade su carateristichis ideologjichis comunis o suntun program condividût:  il program massimâl [dal Pat pe Autonomie] al sarès "Cjapâ il puest in FVJ dal PD tant che pôl progressist dal sisteme politic bipolâr" (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
   Sin. coalizion
6. s.m. (fig.) complès di personâl, struturis e edificis li che si concentrin ciertis ativitâts:  lis pistis ciclabilis a zontin il Centri Studis e il Pôl Universitari dai Riçs (Marc Stolf, Ud.info, 1, 2)