oscuritât
os|cu|ri|tât
[CO]
-
s.f.
cundizion, cualitât di ce che al è scûr, che nol à, nol fâs o nol riflet lûs o che a 'nd à, a 'nt fâs, a 'nd riflet pocje
Var. scuritât
, scuretât
-
lûc, situazion, moment e v.i. li che e mancje o che e je pocje lûs:
[di Invier] la oscuritât noturna / dura assai plui che no la lûs diurna (Zuan Josef Busiç, La Gjeorgjica di Virgjili);
e chês puartis tant sieradis, / chel balcon tant inclostrât…. / cemût stâstu, bambinute, / tune tâl oscuritât? (Popolâr - Valentino Ostermann, E chês puartis tant sieradis - Villotte friulane)
-
s.f.
(fig.)
cundizion, cualitât di ce o di cui che i mancje alc che si pues paragonâ cu la lûs, tant che la bontât, la ligrie, la salût, la inteligjence, la cussience, la civiltât, la cognossince e v.i.:
dal pont di viste musicâl chest disc al è cuinçât di atmosferis decadentis, tension e oscuritât emotive (Mojra Bearzot, La poliedricitât di Lussia);
Carli il Grant al voleve jevâ la sô int de oscuritât barbariche par che e deventàs la vuide de Europe (Fabian Ros, La art e lis sôs funzions)
-
robe o situazion caraterizade di mancjance o di scjarsetât di bontât, ligrie, salût, inteligjence, cussience, civiltât, cognossince e v.i.