ornament
/-ènt/
or|na|ment
[CO]
-
s.m.
il fâ deventâ biel, il zontâ o elaborâ elements estetics:
fate la forme dai cjaldîrs, Marie, / bisugnave proviodi al ornament (Zuan Lurinçon, L'ornât)
Sin. decorazion
, bilisiament
, furniment
-
s.m.
element che al à une funzion estetiche, che al fâs deventâ plui biel:
il scultôr al adote une struture a trê plans separâts di ornaments e curnîs (Bepi Agostinis, Storie de art in Friûl);
crôs di aur, umbons di scûts, spadis, ornaments feminîi e vie indenant, che cumò a son ducj in mostre tal Museu di Cividât (Mauro Pascolini, I Langobarts, patrimoni de umanitât e dal Friûl)
Sin. bilisiament
, decorazion
, ornât
, furniment
, bilisie
-
(fig.)
cualsisei robe o ancje persone, che e da bielece, valôr a alc o a cdn.:
dentri in cjase a son dôs frutis: / l'ornament di chist mulin (Maria Gioitti del Monaco, Il mulin di Fare)