furniment
/-ènt/
fur|ni|ment
[AF]
-
s.m.
il furnî, il furnîsi e il lôr risultât
-
element che al decore, che al furnìs:
i vistîts plui biei di fieste, cui furniments di aur e di perle (Josef Cjargnel, La regjine dal Landri);
lu vevin metût sot come un cjan, tune casse fate a la svelte cence furniments (Pieri Menis, A uciei cu lis archetis)
-
s.m.
complès di imprescj che a coventin par une cierte funzion o intune cierte situazion:
tal lôr mulin, complen di furniments dal mistîr (palotis, mastelis, tamês e vie discorint) e fâs biele aparenzie la torte (Manlio Michelutti, Pieris e muelis)
Sin. dotazion
-
s.m.
il complès di mobii, di ogjets e v.i. che a coventin a fâ un ambient adat al so ûs:
dut, stabii, mobii e furniments di cjase, done Cheche, ju lassave ai puars (Pieri Menis, Il tesaur di done Cheche)
-
s.m.
complès dai elements che si metin intor di un cjaval e che a coventin par cjavalgjâlu:
la cjavale blancje […] a chê ore si lassà meti i furniments une vore malvulintîr (Pieri Somede dai Marcs, Dure leç)
Sin. finiment
-
s.m.
complès des robis che une nuvice e puarte daûrsi cuant che e va a vivi te cjase gnove:
le veve cjolte parcè che e veve une buine dote, fate di furniment e di cjamps (Raffaele Serafini, Altris contis di famee)
Sin. aventari